Магистески студии

Факултетот за информатика нуди современо и флексибилно образование што е моделирано согласно бараните вештини на домашните и странските ИТ компании.

Преку новата студиска програма, студентите се оспособуваат за дизајн, развој, имплементација и одржување на најразлични софтверски апликации. Тие својата кариера понатаму може да ја градат во индустријата и јавниот сектор, особено секаде каде што постои потреба од анализа, спецификација, проектирање, програмирање, проектно управување и одржување на софтвер и информациски системи, како и во компаниите за развој на компјутерски системи, системите за поддршка на телекомуникациски услуги, на услуги базирани на Интернет, со практични знаења од областа на безбедноста на информациите. Покрај техничките знаења, во текот на студиите, студентите стекнуваат и бизнис знаења и претприемнички дух, комуникациски вештини, како и високо ниво на професионален однос и етика во работата.

Студиите по информатика се организирани како тригодишни и четиригодишни на прв циклус (додипломски студии) и двегодишни и едногодишни на втор циклус (последипломски). Структурата на програмата е фиксна, со по четири задолжителни и еден изборен предмет во секој семестар (со исклучок на последниот), но флексибилна и динамична од аспект потребите на студентите и промените во полето на компјутерските науки. Групите за работа се мали, со индивидуализиран пристап во наставата, согласно потребите на студентите. Во текот на летниот период, студентите имаат можност за платена пракса во некоја од ИТ компаниите во државата, а преку Еразмус програмата за студентска размена и да поминат еден семестар на странски универзитет. Воедно, на Универзитетот Скопје, на студентите кои работат за време на студиите, им е овозможен систем за поддршка преку кој со успех ги реализираат и студиските и работните обврски.